डडेल्धुरा मैत्रीपूर्ण ब्याडमिन्टन : उपाधि यात्राका लागि ८ टिम अन्तिम आठमा प्रवेश

खेलकुद

गृहपृष्ठ
खेलकुद
डडेल्धुरा मैत्रीपूर्ण ब्याडमिन्टन : उपाधि यात्राका लागि ८ टिम अन्तिम आठमा प्रवेश

डडेल्धुरा मैत्रीपूर्ण ब्याडमिन्टन : उपाधि यात्राका लागि ८ टिम अन्तिम आठमा प्रवेश

शनिबार, भदौ २७, २०८३ चेतना खबर

डडेल्धुरास्थित जिल्ला खेलकुद समितिको कभर्डहलमा शनिबारदेखि सुरु भएको मैत्रीपूर्ण ब्याडमिन्टन प्रतियोगिताको पहिलो दिन ८ टिमले क्वाटरफाइनलको यात्रा तय गरेका छन् भने ८ टिम प्रतिस्पर्धाबाट बाहिरिएका छन्। गन्यापधुरा गाउँपालिकाका अध्यक्ष इन्द्रबहादुर कार्कीले उद्घाटन गरेको यस प्रतियोगितामा विभिन्न पोलका खेलाडीहरूबीच निकै रोमाञ्चक प्रतिस्पर्धा देखिएको थियो।

पहिलो दिनका खेलहरूबाट पोल ‘ए’ मा खगेन्द्र बुढाऐर र अनिल बम प्रथम तथा मनीष जोशी र नरेश ऐर क्वाटरफाइनलमा पुग्न सफल भए। यस्तै पोल ‘बी’ बाट योगेश बोहरा र भरत ऐर प्रथम तथा टेक खड्का र डम्बर ऐर दोस्रो हुँदै अघिल्लो चरणमा प्रवेश गरे। पोल ‘सी’ तर्फ हरि ओम केसी र निरज मल्ल प्रथम तथा दीपेन्द्र खड्का र बाबुराम श्रेष्ठ दोस्रो बने। पोल ‘डी’ मा भने ललित बोहरा र हरिष खड्काको जोडीले लगातार तीन खेल जित्दै प्रथम स्थान हासिल गर्‍यो भने गणेश बिष्ट र प्रकाश पार्कीको जोडी दोस्रो हुँदै अन्तिम आठमा स्थान सुरक्षित गर्न सफल भयो।

जिल्लामा ब्याडमिन्टन खेलको विकास, खेलाडीहरूको क्षमता अभिवृद्धि तथा आपसी भाइचारा र मित्रता कायम गर्ने उद्देश्यले प्रतियोगिता आयोजना गरिएको जिल्ला खेलकुद समितिका अध्यक्ष जगत ऐरले बताएका छन्। उत्कृष्ट प्रदर्शन गर्ने टिम तथा खेलाडीलाई आकर्षक पुरस्कारको व्यवस्था गरिएको यस प्रतियोगितामा अब सेमिफाइनल र फाइनलका खेलहरूमार्फत उपाधि विजेताको टुंगो लाग्नेछ।

प्रकाशित मिति: शनिबार, भदौ २७, २०८३

प्रतिक्रिया दिनुहोस्