डडेल्धुरामा अब उपसचिव सिडिओ रहने

समाज

गृहपृष्ठ
समाज
डडेल्धुरामा अब उपसचिव सिडिओ रहने

डडेल्धुरामा अब उपसचिव सिडिओ रहने

बिहीबार, साउन ७, २०८३ चेतना खबर

डडेल्धुरा - गृह मन्त्रालयले गरेको नयाँ प्रशासनिक व्यवस्थाअनुसार अब डडेल्धुरा जिल्लामा पनि उपसचिव मात्रै प्रमुख जिल्ला अधिकारी (सिडिओ) रहने भएका छन्।

सहसचिवलाई सिडिओका रूपमा खटाउन नसक्ने र दरबन्दी कटौती गर्न पनि नसकेर आलोचित बन्दै आएको गृह प्रशासनले ओएनएम अनुसार दरबन्दी रहेका जिल्लाहरूबाट १० वटा सहसचिवको दरबन्दी कटौती गर्ने निर्णय गरेको छ। गृह मन्त्रालयको नयाँ वर्गीकरणअनुसार अब देशका ६१ जिल्लामा सहसचिव सिडिओ रहनेछन् भने बाँकी २५ जिल्लामा उपसचिवको दरबन्दी कायम गरिएको छ।

डडेल्धुरासहित खोटाङ, भोजपुर, बैतडी, अछाम, जुम्ला, जाजरकोट, सल्यान र रोल्पा लगायतका २५ जिल्लाहरूमा अब उपसचिवलाई नै प्रमुख जिल्ला अधिकारीको रूपमा खटाउने व्यवस्था मिलाइएको छ। यसअघि यी जिल्लाहरूमा सहसचिवको दरबन्दी रहे पनि कतिपय स्थानमा उपसचिवहरू नै सिडिओको रूपमा खटिट्दै आएका थिए।

गृह मन्त्रालयको ‘प्रमुख जिल्ला अधिकारीको पदस्थापन वा सरुवा गर्ने तथा कामकाज खटाउनेसम्वन्धी (दोस्रो संशोधन) कार्यविधि, २०८०’ ले पदस्थापन, सरुवा वा काजमा खटाउने प्रयोजनका लागि जिल्लाको वर्गीकरण र आधारसम्बन्धी व्यवस्था गरेको छ।

प्रकाशित मिति: बिहीबार, साउन ७, २०८३

प्रतिक्रिया दिनुहोस्