डडेल्धुरामा बोलेरो जिप दुर्घटना : २ जनाको मृत्यु, ३ घाइते

मुख्य समाचार

गृहपृष्ठ
मुख्य समाचार
डडेल्धुरामा बोलेरो जिप दुर्घटना : २ जनाको मृत्यु, ३ घाइते

डडेल्धुरामा बोलेरो जिप दुर्घटना : २ जनाको मृत्यु, ३ घाइते

शनिबार, साउन २, २०८३ चेतना खबर

डडेल्धुरा - डडेल्धुरामा बोलेरो जिप दुर्घटना हुँदा २ जनाको मृत्यु भएको छ । जिल्लाको अमरगढी नगरपालिका–७ खस्रेखानमा शनिबार भएको दुर्घटनामा परी दुई जनाको मृत्यु भएको छ भने तीन जना घाइते भएका हुन।

धनगढीबाट दार्चुलातर्फ जाँदै गरेको सु.प.प्र.०१–००१ ज १८५० नम्बरको बोलेरो जिप सडकबाट करिब ४०० मिटर तल खसेर दुर्घटनाग्रस्त भएको हो। दुर्घटनामा परी अपी हिमाल गाउँपालिका–१ दार्चुलाका स्थानीय बासिन्दाहरूको मृत्यु भएको प्रहरीले जनाएको छ।

दुर्घटनामा परी गम्भीर घाइते हुनेहरूमा चालक बैतडीको डिलासैनी गाउँपालिका–२ का २० वर्षीय अमृत घडेरी, दार्चुलाको मार्मा गाउँपालिका–३ का ५० वर्षीय अमर सिंह ठगुन्ना र अपी हिमाल गाउँपालिका–१ की ३०–३५ वर्षीया सरस्वती लोथ्याल रहेका छन्।
घाइतेहरूको टाउको, कम्मर, अनुहार र छातीमा गचोट लागेको छ। उनीहरूलाई तत्काल उद्धार गरी डडेल्धुरा अस्पतालमा उपचार भइरहेको छ।

दुर्घटनाको कारण कारण—सडकको अवस्था, प्राविधिक त्रुटि वा मानवीय भूल—खुल्न बाँकी रहेको प्रहरीले जनाएको छ।

प्रकाशित मिति: शनिबार, साउन २, २०८३

प्रतिक्रिया दिनुहोस्