बझाङमा बोलेरो दुर्घटना, तीनको घटनास्थलमै मृत्यु

समाज

गृहपृष्ठ
समाज
बझाङमा बोलेरो दुर्घटना, तीनको घटनास्थलमै मृत्यु

बझाङमा बोलेरो दुर्घटना, तीनको घटनास्थलमै मृत्यु

शनिबार, असार २७, २०८३ चेतना खबर

बझाङको केदारस्यूँ गाउँपालिका–७, सुङगरे क्षेत्रमा शनिबार दिउँसो बोलेरो जिप दुर्घटना हुँदा तीन जनाको घटनास्थलमै मृत्यु भएको छ। दुर्घटनामा अन्य धेरै यात्रु घाइते भएको आशंका गरिएको छ।

केदारस्यूँ गाउँपालिकाका अध्यक्ष गणेशबहादुर बोहराका अनुसार दुर्घटना निकै गम्भीर प्रकृतिको रहेको छ। घटनास्थल दुर्गम क्षेत्रमा पर्ने भएकाले मृतक तथा घाइतेको यकिन विवरण आउन बाँकी रहेको उनले बताए।

जिल्ला प्रहरी कार्यालय बझाङका प्रमुख प्रहरी नायब उपरीक्षक (डीएसपी) टेकबहादुर जोराले दुर्घटनाको सूचना प्राप्त भएपछि प्रहरी टोली घटनास्थलतर्फ परिचालन गरिएको जानकारी दिए। दुर्गम भौगोलिक अवस्थाका कारण विस्तृत विवरण संकलन गर्न केही समय लाग्ने प्रहरीले जनाएको छ।

प्रारम्भिक जानकारीअनुसार दुर्घटनाग्रस्त जिपमा करिब १५ देखि १६ जना सवार रहेका थिए। यद्यपि यात्रुको वास्तविक संख्या तथा मृतक र घाइतेको आधिकारिक विवरण अझै पुष्टि भइसकेको छैन।

गाउँपालिका अध्यक्ष बोहराले जिप सडकबाट करिब ३०० मिटर तल खसेको बताए। दुर्घटनापछि स्थानीयवासी तत्काल उद्धारमा जुटेका छन् भने गम्भीर घाइतेलाई उपचारका लागि हेलिकोप्टरमार्फत उद्धार गर्ने तयारी भइरहेको छ।

प्रहरीले घटनाको कारणबारे अनुसन्धान सुरु गरेको छ भने थप विवरण प्राप्त हुनेक्रम जारी रहेको जनाएको छ।

प्रकाशित मिति: शनिबार, असार २७, २०८३

प्रतिक्रिया दिनुहोस्