डडेल्धुरामा नयाँ सीडीओको जिम्मेवारी अमरबहादुर वलीलाई

समाज

गृहपृष्ठ
समाज
डडेल्धुरामा नयाँ सीडीओको जिम्मेवारी अमरबहादुर वलीलाई

डडेल्धुरामा नयाँ सीडीओको जिम्मेवारी अमरबहादुर वलीलाई

बुधबार, जेठ २७, २०८३ चेतना खबर

डडेल्धुरा । गृह मन्त्रालयले जिल्ला प्रशासन कार्यालय डडेल्धुराको प्रमुख जिल्ला अधिकारी (सीडीओ) मा अमरबहादुर वलीलाई नियुक्त गरेको छ। मन्त्रालयको जेठ २७ गतेको निर्णयअनुसार वलीले जिल्लाको प्रशासनिक नेतृत्व सम्हाल्ने भएका हुन्।

यसअघि जिल्ला प्रशासन कार्यालय डडेल्धुरामा सहायक प्रमुख जिल्ला अधिकारीका रूपमा कार्यरत वलीलाई प्रमुख जिल्ला अधिकारीको जिम्मेवारी प्रदान गरिएको मन्त्रालयले जनाएको छ।

यसअघि कार्यरत प्रमुख जिल्ला अधिकारी विष्णुप्रसाद कोइरालाको गत वैशाख १० गते सरुवा भएपछि डडेल्धुरामा प्रमुख जिल्ला अधिकारीको पद रिक्त रहेको थियो। कोइराला करिब पाँच महिनाको कार्यकालपछि सरुवा भएका थिए।

नवनियुक्त प्रमुख जिल्ला अधिकारी वलीले अब जिल्लाको शान्ति सुरक्षा, सुशासन, सेवा प्रवाहको जिम्मेवारी बहन गर्नेछ्न।

प्रकाशित मिति: बुधबार, जेठ २७, २०८३

प्रतिक्रिया दिनुहोस्