डडेल्धुरामा ट्राफिक नियम उल्लंघन गर्ने १ हजार ५ सय ५९ सवारी कारबाहीमा

समाज

गृहपृष्ठ
समाज
डडेल्धुरामा ट्राफिक नियम उल्लंघन गर्ने १ हजार ५ सय ५९ सवारी कारबाहीमा

डडेल्धुरामा ट्राफिक नियम उल्लंघन गर्ने १ हजार ५ सय ५९ सवारी कारबाहीमा

शनिबार, जेठ २३, २०८३ चेतना खबर

डडेल्धुरा: पछिल्लो समय जिल्लामा सवारी साधनहरूले ट्राफिक नियम उल्लंघन गर्ने क्रम बढेपछि जिल्ला ट्राफिक प्रहरी कार्यालय डडेल्धुराले आफ्नो चेकजाँचमा कडाइ गरेको छ।

यस आर्थिक बर्षको १० महिनाको अवधिमा ट्राफिक नियम उल्लंघन गर्ने १ हजार ५ सय ५९ वटा सवारी साधनलाई कारबाही गरिएको जिल्ला ट्राफिक प्रहरी कार्यालय डडेल्धुराले जनाएको छ। ट्राफिक नियम उल्लंघन गर्ने अधिकांश सवारी साधनहरूमा जीप, कार र मोटरसाइकल रहेका छन्।

यस अवधिमा कारबाहीमा परेका सवारी साधनहरूबाट ११ लाख ८३ हजार ५ सय रुपैयाँ राजस्व संकलन भएको कार्यालयका प्रमुख, ट्राफिक प्रहरी नायव निरीक्षक आकाश रावलले जानकारी दिनुभएको छ।

सवारी साधनमा सिट क्षमताभन्दा बढी यात्रु राख्ने, नियमविपरीत यात्रु चढाउने वा ओराल्ने, तोकिएभन्दा बढी भाडा लिने जस्ता गतिविधिहरूको अनुगमन गर्दै ट्राफिक प्रहरीले कारबाही अगाडि बढाएको हो। ट्राफिक नियमको पालना गराउन र दुर्घटना न्यूनीकरण गर्नका लागि जिल्ला ट्राफिक प्रहरी कार्यालयले विभिन्न जनचेतनामूलक कार्यक्रमहरू पनि सञ्चालन गर्दै आएको छ।

प्रकाशित मिति: शनिबार, जेठ २३, २०८३

प्रतिक्रिया दिनुहोस्