धनगढीको एक होटलमा युवतीमाथि जबरजस्तीकरणी: डडेल्धुराका युवक पक्राउ

समाज

गृहपृष्ठ
समाज
धनगढीको एक होटलमा युवतीमाथि जबरजस्तीकरणी: डडेल्धुराका युवक पक्राउ

धनगढीको एक होटलमा युवतीमाथि जबरजस्तीकरणी: डडेल्धुराका युवक पक्राउ

सोमबार, वैशाख १४, २०८३ चेतना खबर

धनगढीको व्यस्त बजारभित्र रहेको एउटा होटलमा घटेको अप्रिय घटनाका कारण यतिबेला डडेल्धुराका ३१ वर्षीय सुरेश अवस्थी प्रहरीको खोरमा पुगेका छन्। धनगढी उपमहानगरपालिका–४ स्थित संजोक होटलमा २० वर्षीया एक युवतीमाथि जबरजस्तीकरणी गरेको गम्भीर आरोप उनीमाथि लागेको छ।

डडेल्धुराको अमरगढी नगरपालिका–२ घर भएका अवस्थीले आफूमाथि अन्याय गरेको भन्दै पीडित युवतीले जिल्ला प्रहरी कार्यालय कैलालीमा उजुरी दिएकी थिइन्।आफ्नो अस्मितामाथि आँच पुगेको भन्दै युवतीले दिएको जाहेरीका आधारमा प्रहरी टोली तत्कालै परिचालन भई अवस्थीलाई नियन्त्रणमा लिएको हो।

जिल्ला प्रहरी कार्यालय कैलालीका प्रवक्ता एवं प्रहरी नायब उपरीक्षक (डीएसपी) योगेन्द्र तिमिल्सिनाले घटनाको पुष्टि गर्दै अहिले आरोपितमाथि हिरासतमा राखेर विस्तृत अनुसन्धान सुरु गरिएको जानकारी दिएका छन्। होटलमा भएको भनिएको यो घटनाको सत्यतथ्य बुझ्न र कानुनी प्रक्रियालाई अगाडि बढाउन प्रहरीले सूक्ष्म ढङ्गले प्रमाणहरू संकलन गरिरहेको छ।

प्रकाशित मिति: सोमबार, वैशाख १४, २०८३

प्रतिक्रिया दिनुहोस्