अस्पतालदेखि एयरपोर्टसम्म: डडेल्धुराको विकासमा सांसद जोशिको ध्यानाकर्षण

राजनीति

गृहपृष्ठ
राजनीति
अस्पतालदेखि एयरपोर्टसम्म: डडेल्धुराको विकासमा सांसद जोशिको ध्यानाकर्षण

अस्पतालदेखि एयरपोर्टसम्म: डडेल्धुराको विकासमा सांसद जोशिको ध्यानाकर्षण

आइतबार, वैशाख १३, २०८३ चेतना खबर

डडेल्धुरा । डडेल्धुरा उद्योग वाणिज्य संघले जिल्लाको समग्र विकासका लागि संघीय सांसद डा. ताराप्रसाद जोशीलाई आइतबार आफनै कार्यालयमा भेटेर जिल्लाको समग्र बिषयमा छलफल तथा ध्यानाकर्षण गराएको छ।

संघका अध्यक्ष दिपक बहादुर महताको नेतृत्वको टिमले जिल्लाको व्यापार, सडक, स्वास्थ्य र शिक्षा क्षेत्रमा गर्नुपर्ने सुधारका कामहरूका बारेमा सांसद जोशिको ध्यानाकर्षण गराएको हो।

संघले मुख्य गरी डडेल्धुराको बजार क्षेत्रलाई व्यवस्थित बनाउन बागबजारमा नयाँ बसपार्क बनाउनुपर्ने र बागबजारदेखि उग्रतारा मन्दिर जाने बाटोलाई पक्की गर्नुपर्ने माग राखेको छ। सडकको पहुँच गाउँ-गाउँसम्म पुऱ्याउनका लागि जिल्लाका सबै वडा कार्यालयसम्म जाने बाटोलाई पनि पक्की बनाउनुपर्ने कुरालाई संघले प्राथमिकता दिएको छ। यस्तै, लामो समयदेखि चर्चामा रहेको डडेल्धुराको विमानस्थल निर्माणको कामलाई पनि छिटो अगाडि बढाउन आग्रह गरिएको छ।

स्वास्थ्य सेवामा सुधारका लागि डडेल्धुरा अस्पतालमा आवश्यक मेसिनरी सामान र विशेषज्ञ डाक्टरहरूको स्थायी व्यवस्था मिलाउनुपर्ने माग गरिएको छ। यसो भएमा जिल्लाबासीले उपचारका लागि टाढा जानुपर्ने बाध्यता हट्ने संघको विश्वास छ। शिक्षातर्फ जिल्लामा प्राविधिक कलेज सञ्चालन गर्नुपर्ने र युवाहरूका लागि क्रिकेट, फुटबल र भलिबल खेल्न मिल्ने आधुनिक खेल मैदानहरू बनाउनुपर्ने कुरा पनि मागपत्रमा उल्लेख छ।

जिल्लाको आर्थिक अवस्था सुधार्नका लागि यहाँ वाइन उद्योग खोल्नुपर्ने र किसानहरूले फलाएका फलफूल तथा तरकारी सुरक्षित राख्न हरेक स्थानीय तहमा राम्रा कोल्ड स्टोर वा शीत भण्डारहरू बनाउनुपर्ने माग गरिएको छ। यसका साथै डडेल्धुराका धार्मिक पर्यटकीय स्थलहरूको विकास गर्ने र व्यवसायीहरूको सुविधाका लागि एउटा ठूलो हल बनाउने विषयमा पनि संघले जोड दिएको छ। यी सबै मागहरू सुनिसकेपछि सांसद डा. जोशीले डडेल्धुराको हितका लागि निरन्तर लागिपरिरहेको र आफूले केन्द्रमा कुरा राख्ने र योजनाहरू सफल पार्न सम्पुर्ण पहल गर्ने बताउनुभएको छ।

प्रकाशित मिति: आइतबार, वैशाख १३, २०८३

प्रतिक्रिया दिनुहोस्