डडेल्धुरामा शनिबारदेखि कृषि हाट बजार लाग्दै

समाज

गृहपृष्ठ
समाज
डडेल्धुरामा शनिबारदेखि कृषि हाट बजार लाग्दै

डडेल्धुरामा शनिबारदेखि कृषि हाट बजार लाग्दै

बुधबार, चैत ११, २०८२ चेतना खबर

डडेल्धुरा - डडेल्धुरा जिल्लामा कृषि उपजको सहज बिक्री वितरण तथा स्थानीय उत्पादनको प्रवर्द्धन गर्ने उद्देश्यले कृषि हाट बजार सञ्चालनमा ल्याइन लागिएको छ।

कृषि थोक तथा हाट बजार सञ्चालक समितिको आयोजनामा र कृषि क्षेत्रमा सरोकार राख्ने विभिन्न निकायहरू तथा उद्योग वाणिज्य संघ डडेल्धुराको समन्वयमा हाट बजार सञ्चान गरिन लागिएको हो। हाट बजार २०८२ चैत १४ गतेदेखि प्रत्येक शनिबार बिहान ११ बजेदेखि लाग्ने कृषि ज्ञान केन्द्र डडेल्धुराका कार्यालय प्रमुख नरेन्द्र पनेरुले बताए।

कार्यालय प्रमुख पनेरुका अनुसार हाट बजार डडेल्धुरा बसपार्क पछाडिपट्टि सञ्चालन हुने छ भने उक्त हाट बजारमा जिल्लाका कृषक तथा व्यापारीहरूले कृषि उपज, वनपैदावार, पशुजन्य वस्तु, घरेलु उत्पादन तथा हस्तकलाका सामग्रीहरू किनबेच गर्न सक्नेछन्। यसले स्थानीय उत्पादनलाई बजार उपलब्ध गराउनुका साथै उपभोक्तालाई ताजा तथा स्थानीय सामग्री सहज रूपमा प्राप्त हुने अपेक्षा गरिएको छ।

सम्बन्धित सबै कृषक तथा व्यापारीहरूलाई हाट बजारमा सहभागी भई आफ्ना उत्पादनको बिक्री वितरण गर्न अनुरोध गरिएको छ।

साथै हाट बजारमा स्टल पनि निःशुल्क उपलब्ध गराइने व्यवस्था गरिएको जनाइएको छ।

प्रकाशित मिति: बुधबार, चैत ११, २०८२

प्रतिक्रिया दिनुहोस्