डडेल्धुरामा ३४ वर्षे कांग्रेस विरासत अन्त्य,रास्वपाका तारा जोशी बिजयी

राजनीति

गृहपृष्ठ
राजनीति
डडेल्धुरामा ३४ वर्षे कांग्रेस विरासत अन्त्य,रास्वपाका तारा जोशी बिजयी

डडेल्धुरामा ३४ वर्षे कांग्रेस विरासत अन्त्य,रास्वपाका तारा जोशी बिजयी

शनिबार, फागुन २३, २०८२ चेतना खबर

डडेल्धुरा — प्रतिनिधिसभा सदस्य निर्वाचनमा डडेल्धुराबाट राष्ट्रिय स्वतन्त्र पार्टी (रास्वपा) का उम्मेदवार डा. ताराप्रसाद जोशी विजयी भएका छन्। उनले नेपाली कांग्रेसका उम्मेदवार नैनसिंह महरलाई ७०१० मतान्तरले पराजित गर्दै प्रतिनिधिसभामा स्थान सुरक्षित गरेका हुन्।

मुख्य निर्वाचन अधिकृतको कार्यालयका अनुसार जोशीले १९ हजार १३१ मत प्राप्त गरेका छन् भने महरले १२ हजार १२१ मत पाएका छन्। त्यसैगरी नेकपाका मान सिंह मालले ६८३४ मत पाएभने नेकपा एमालेका उम्मेदवार चक्रप्रसाद स्नेहिले २ हजार ९२६ मत प्राप्त गरेका छन्। त्यसैगरी राप्रपाले ८८२ मत पायो।

जोशीको विजयसँगै डडेल्धुरामा लामो समय, कायम रहेको कांग्रेसको प्रभावमा पहिलो पटक ठूलो परिवर्तन आएको छ। करिब ३४ वर्षपछि कांग्रेस बाहिरका उम्मेदवार प्रतिनिधिसभामा निर्वाचित भएका हुन्।

गन्यापधुरा गाउँपालिका–२ का स्थायी बासिन्दा जोशी विद्यार्थी जीवनदेखि नै राजनीति तथा सामाजिक आन्दोलनमा सक्रिय रहँदै आएका छन्। उनले अनेरास्ववियुबाट राजनीतिक यात्रा सुरु गर्दै नेकपा एमालेमा विभिन्न जिम्मेवारी सम्हालेका थिए। पछि स्वतन्त्र राजनीतिक यात्रामा सक्रिय बनेका जोशी २०७९ सालमा प्रदेशसभा सदस्यमा निर्वाचित भएका थिए।

राजनीतिसँगै पत्रकारिता र शिक्षण पेसामा समेत सक्रिय रहेका जोशीले भारतको जवाहरलाल नेहरू विश्वविद्यालयबाट अन्तर्राष्ट्रिय सम्बन्ध विषयमा विद्यावारिधि (पीएचडी) गरेका छन्।

यसपटकको निर्वाचनमा उनले नयाँ राजनीतिक शक्ति र परिवर्तनको नारासहित प्रतिस्पर्धा गर्दै डडेल्धुराबाट प्रतिनिधिसभा सदस्यमा विजयी हासिल गरेका हुन्।

अन्तिम मतपरिणाम