नेकपा सुदूरपश्चिम संसदीय दलको नेता खगराज भट्ट चयन

राजनीति

गृहपृष्ठ
राजनीति
नेकपा सुदूरपश्चिम संसदीय दलको नेता खगराज भट्ट चयन

नेकपा सुदूरपश्चिम संसदीय दलको नेता खगराज भट्ट चयन

आइतबार, माघ २५, २०८२ चेतना खबर

डडेल्धुरा - नेपाली कम्युनिष्ट पार्टी (नेकपा) सुदूरपश्चिम प्रदेशसभा संसदीय दलको नेतामा खगराज भट्ट सर्वसम्मत चयन भएका छन्। नेकपा माओवादी केन्द्र, नेकपा एकीकृत समाजवादी र नागरिक उन्मुक्ति पार्टी (नाउपा) बीच एकता भएपछि बसेको पहिलो बैठकले भट्टलाई संसदीय दलको नेता चयन गरेको हो।

प्रदेशसभामा नेकपा सबैभन्दा ठूलो दलको रूपमा स्थापित भएको छ। एकताअघि माओवादी केन्द्रका सभामुखसहित ११ जना, एकीकृत समाजवादीका ४ जना र नागरिक उन्मुक्ति पार्टीका ७ जना सदस्य थिए। रञ्जिता श्रेष्ठ नेतृत्वको नाउपासँग पुस १४ गते औपचारिक एकता सहमति भएपछि नेकपाको प्रदेशसभामा सिट संख्या २२ पुगेको छ।

५३ सदस्यीय सुदूरपश्चिम प्रदेशसभामा हाल सत्तारूढ नेपाली कांग्रेसका १८ सिट छन् भने नेकपा एमालेका ११ सिट रहेका छन्। संघीयता विरोधी दल राप्रपाका १ जना सदस्य छन् भने स्वतन्त्र सांसद डा. तारा जोशीले राजीनामा गरिसकेका छन्।

प्रकाशित मिति: आइतबार, माघ २५, २०८२

प्रतिक्रिया दिनुहोस्