अपिहिमालमा ठुलो पहिरो, चमेलिया नदी थुनिएपछि त्रास

समाज

गृहपृष्ठ
समाज
अपिहिमालमा ठुलो पहिरो, चमेलिया नदी थुनिएपछि त्रास

अपिहिमालमा ठुलो पहिरो, चमेलिया नदी थुनिएपछि त्रास

शुक्रबार, भदौ १९, २०८३ चेतना खबर

दार्चुला - दार्चुलाको अपिहिमाल गाउँपालिका–१ भट्टारमा शुक्रबार दिउँसो ठुलो पहिरो खस्दा चमेलिया नदी करिब आधा घण्टा पूर्ण रूपमा थुनिएको छ। पहिरो निरन्तर झरिरहेकाले नदी पुनः थुनिन सक्ने जोखिम कायमै रहेको गाउँपालिकाले जनाएको छ।

अपिहिमाल गाउँपालिकाका अध्यक्ष भगतसिंह ठेकरे बोहराका अनुसार शुक्रबार बिहानैदेखि भट्टारमा स–साना पहिरो झरिरहेका थिए। दिउँसो करिब १ बजेतिर एक्कासि ठुलो पहिरो खसेपछि चमेलिया नदी नै थुनिएको हो।

पहिरोले नदीको बहाव रोकिएपछि करिब आधा घण्टासम्म नदी पूर्ण रूपमा थुनिएको अध्यक्ष बोहराले बताए। अहिले नदीले पहिरो कटान गर्दै बिस्तारै आफ्नो बाटो बनाएको छ र आंशिक रूपमा पानी बगिरहेको छ।

तर पहिरो झर्ने क्रम नरोकिएकाले नदी पुनः थुनिन सक्ने जोखिम रहेको उनको भनाइ छ। ‘अहिले नदीले बिस्तारै कटान गर्दै आफ्नो बाटो बनाएको छ। तर पहिरो निरन्तर झरिरहेकाले फेरि पनि नदी थुनिन सक्ने जोखिम कायमै छ,’ अध्यक्ष बोहराले भने।

उनका अनुसार भट्टारमा गएको पहिरो सामान्य प्रकृतिको छैन। पूरै डाँडो नै खसेजस्तो देखिने गरी ठूलो पहिरो गएको उनले बताए।

प्रकाशित मिति: शुक्रबार, भदौ १९, २०८३

प्रतिक्रिया दिनुहोस्