रसुवाको बाढीमा सुदूरपश्चिमका ९० नागरिक सम्पर्कविहीन, चार सुरक्षाकर्मी पनि बेपत्ता

मुख्य समाचार

गृहपृष्ठ
मुख्य समाचार
रसुवाको बाढीमा सुदूरपश्चिमका ९० नागरिक सम्पर्कविहीन, चार सुरक्षाकर्मी पनि बेपत्ता

रसुवाको बाढीमा सुदूरपश्चिमका ९० नागरिक सम्पर्कविहीन, चार सुरक्षाकर्मी पनि बेपत्ता

बिहीबार, भदौ ११, २०८३ चेतना खबर

रसुवाको भोटेकोशी नदी तथा खोलामा आएको भीषण बाढीमा परेर सुदूरपश्चिम प्रदेशका करिब ९० जना नागरिक सम्पर्कविहीन भएका छन्। सुदूरपश्चिम प्रदेश प्रहरी कार्यालयका अनुसार बाढी प्रभावित क्षेत्रबाट ठूलो संख्यामा सर्वसाधारण तथा कार्यक्षेत्रमा खटिएका सुरक्षाकर्मीहरू सम्पर्कविहीन भएको विवरण प्राप्त भएको छ।

जिल्लागत विवरण अनुसार बाढीबाट सबैभन्दा धेरै कञ्चनपुरका २९ जना नागरिक सम्पर्कविहीन भएका छन्। यसैगरी कैलालीका २०, डडेल्धुराका १५, बाजुराका १४, बैतडीका ४, दार्चुलाका ३, डोटीका २, बझाङका २ र अछामका १ जना नागरिक हालसम्म सम्पर्कमा आउन सकेका छैनन्।

सम्पर्कविहीन हुनेहरूमा चार जना सुरक्षाकर्मीसमेत रहेका छन्। जसमा प्रहरी हवल्दार नरेन्द्रप्रसाद भट्ट, प्रहरी सहायक हवल्दार हिक्मत महरा, प्रहरी जवान नारद सार्की तथा सशस्त्र प्रहरी जवान विनिता बोहरा रहेका छन्। बाढी प्रभावित क्षेत्रमा सम्पर्कविहीन भएका सम्पूर्ण नागरिक तथा सुरक्षाकर्मीहरूको खोजी एवं उद्धार कार्यलाई तीव्रता दिइएको छ।

प्रकाशित मिति: बिहीबार, भदौ ११, २०८३

प्रतिक्रिया दिनुहोस्