डोटीको जोरायलमा शिक्षकले गरे श्रीमतीको हत्या, चिम्टा प्रहारबाट ज्यान गयो

अपराध

गृहपृष्ठ
अपराध
डोटीको जोरायलमा शिक्षकले गरे श्रीमतीको हत्या, चिम्टा प्रहारबाट ज्यान गयो

डोटीको जोरायलमा शिक्षकले गरे श्रीमतीको हत्या, चिम्टा प्रहारबाट ज्यान गयो

बुधबार, साउन १३, २०८३ चेतना खबर

डोटीको जोरायल गाउँपालिका–४ देउथलामा श्रीमानले चिम्टा प्रहार गर्दा श्रीमतीको मृत्यु भएको छ। घरायसी विवादका क्रममा चन्द्रबहादुर ओलीले श्रीमती अमृता ओलीमाथि चिम्टाले प्रहार गरेको प्रहरीले जनाएको छ।

जिल्ला प्रहरी कार्यालय डोटीका प्रहरी प्रमुख प्रहरी उपरीक्षक सागर बोहराका अनुसार बुधबार बिहान भएको घटनामा अमृता गम्भीर घाइते भएकी थिइन्। उनलाई उपचारका लागि धनगढीस्थित सेती प्रादेशिक अस्पताल लगिएको भए पनि उपचारकै क्रममा बुधबार साँझ ६ः२० बजे चिकित्सकले मृत घोषणा गरेका हुन्।

घटनापछि प्रहरीले चन्द्रबहादुर ओलीलाई नियन्त्रणमा लिएर अनुसन्धान थालेको छ। प्रहरीका अनुसार उनी जोरायल गाउँपालिका–४ स्थित जगदम्बा आधारभूत विद्यालय, काफलीमा राहत शिक्षकका रूपमा कार्यरत छन्।

घटनाको विस्तृत अनुसन्धान भइरहेको जिल्ला प्रहरी कार्यालय डोटीले जनाएको छ।

प्रकाशित मिति: बुधबार, साउन १३, २०८३

प्रतिक्रिया दिनुहोस्