सामुदायिक वनबाट काठ लिने विवादले हिंसात्मक रूप लिँदा एक जनाको मृत्यु

अपराध

गृहपृष्ठ
अपराध
सामुदायिक वनबाट काठ लिने विवादले हिंसात्मक रूप लिँदा एक जनाको मृत्यु

सामुदायिक वनबाट काठ लिने विवादले हिंसात्मक रूप लिँदा एक जनाको मृत्यु

शनिबार, वैशाख २६, २०८३ चेतना खबर

दाङको राजपुर गाउँपालिका–४ मोतीपुरमा सामुदायिक वन क्षेत्रमा भएको विवादका क्रममा बञ्चरो प्रहारबाट एक जनाको मृत्यु भएको छ । Open photo

स्थानीय ५५ वर्षीय भोला यादवको शनिबार दिउँसो करिब १२ः४५ बजे तिर हत्या भएको प्रहरीले जनाएको छ । प्रारम्भिक जानकारीअनुसार सोही गाउँका करिब ४० वर्षीय इश्वर हरिजनले रामजानकी सामुदायिक वन क्षेत्रबाट काठ लिने विषयमा भएको विवादका क्रममा यादवमाथि बञ्चरो प्रहार गरेको प्रारम्भिक अनुसन्धानबाट खुलेको छ ।

टाउकोमा गम्भीर चोट लागेका यादवको घटनास्थलमै मृत्यु भएको बताइएको छ। घटनापछि आरोपी इश्वर हरिजन फरार रहेका छन् । प्रहरीले उनको खोजी कार्य तीव्र रूपमा अघि बढाइएको जनाएको छ ।

मृतकको शव घटनास्थलमै रहेको र घटनाको कारण, विवादको प्रकृति तथा अन्य पक्षबारे थप अनुसन्धान भइरहेको प्रहरीले जनाएको छ ।

प्रकाशित मिति: शनिबार, वैशाख २६, २०८३

प्रतिक्रिया दिनुहोस्