सुदूरपश्चिम सरकार बजेटको अन्तिम चरणमा

समाज

गृहपृष्ठ
समाज
सुदूरपश्चिम सरकार बजेटको अन्तिम चरणमा

सुदूरपश्चिम सरकार बजेटको अन्तिम चरणमा

मंगलबार, असोज २०, २०८३ चेतना खबर

धनगढी । सुदूरपश्चिम प्रदेश सरकारले चालु आर्थिक वर्ष २०८३/८४ को बजेट ल्याउने अन्तिम तयारी गरेको छ । प्रदेश सरकारले बुुधबार प्रदेश सभामा बजेट पेश गर्नेगरि तयारी अन्तिम चरणमा पुगेको जनाएको छ ।

श्रोतले जनाए अनुसार बुधबारसम्म प्रदेश सभामा प्रस्तुत गर्नेगरि बजेट निर्माण अन्तिम चरणमा पुगेको छ। आर्थिक मामिला मन्त्रालयले दिएको सिलिङअनुसार यसअघिका वार्षिक कार्यक्रम संशोधनसहित विषयगत मन्त्रालयले बजेट प्रणाली योजना इन्ट्री गरेका छन् ।

केही मन्त्रालयले भने योजना इन्ट्री गर्न बाँकी रहेको छ। सरकारले बुधबार प्रदेश सभामा बजेट पेश गर्ने तयारी गरेपछि मंगलबार कार्यव्यवस्था परामर्श समितिको बैठक बोेलाइएको छ । बैठक अहिले बिहान ११ बजे सभामुुख भीमबहादुर भण्डारीको कार्यकक्षमा बस्दैछ । कार्यव्यवस्था परामर्श समितिले प्रदेश सभाको बैठक बोलाउनेबारे निर्णय लिनेछ ।

यसअघि तत्कालीन मुख्यमन्त्री कमलबहादुर शाह नेतृत्वको सरकारले ल्याएको चालु आर्थिक वर्षको बजेट प्रदेश सभाबाट पारित हुन नसकेपछि राजनीतिक समीकरण नै फेरिएर एमालेको समर्थनमा नेकपाका खगराज भट्ट मुख्यमन्त्री बनेका थिए ।

बजेट पारित हुन नसकेपछि प्रदेशमा राजश्व संकलनको काम नरोकिएपनि खर्च गर्न नपाइएपछि आंशिक बजेट शून्यताको अवस्था छ । मुख्यमन्त्री भट्टले भदौ मसान्तभित्र बजेट ल्याउने बाचा गर्दै आएका थिए तर सरकाले भने असोजको तेस्रो साता बजेट ल्याउने तयारी गरेको हो ।

भदौ मसान्तको भाका पूरा गर्न असफल भएपछि भट्टले बोली फेरेर छिट्टै बजेट ल्याउने बताउदै आएका थिए ।

प्रकाशित मिति: मंगलबार, असोज २०, २०८३

प्रतिक्रिया दिनुहोस्