सुदूरपश्चिमका मुख्यमन्त्री कमलबहादुर शाहले दिए राजीनामा

राजनीति

गृहपृष्ठ
राजनीति
सुदूरपश्चिमका मुख्यमन्त्री कमलबहादुर शाहले दिए राजीनामा

सुदूरपश्चिमका मुख्यमन्त्री कमलबहादुर शाहले दिए राजीनामा

बिहीबार, साउन २८, २०८३ चेतना खबर

राजीनामा दिने घोषणा गरेका छन्। बिहीबार प्रदेशसभा बैठकलाई सम्बोधन गर्दै शाहले प्रदेश प्रमुखसमक्ष राजीनामा बुझाउन जाने बताएका हुन्।
आर्थिक वर्ष २०८३/८४ को बजेटलाई लिएर विवाद चर्किएपछि नेकपा एमालेले सरकारलाई दिएको समर्थन फिर्ता लिएको ३०औँ दिनमा शाहले राजीनामा घोषणा गरेका हुन्। एमालेले समर्थन फिर्ता लिएपछि शाह नेतृत्वको सरकार अल्पमतमा परेको थियो।

प्रदेशसभा बैठकमा मुख्यमन्त्री शाहले एमालेमाथि ‘अलोकतान्त्रिक खेल’ खेलेको आरोप लगाए। सरकारको साझेदारका रूपमा बजेट निर्माणका हरेक चरणमा सहभागी भएको एमालेले पछि आफ्नै सहभागितामा बनेको बजेटविरुद्ध खर्च कटौतीको प्रस्ताव ल्याउनु राजनीतिक अस्थिरता निम्त्याउने प्रयास भएको उनको दाबी थियो।

‘आफैंले ल्याएको बजेटमा संशोधन प्रस्ताव ल्याउनु भनेको सुदूरपश्चिमका भोका पेटहरूमाथिको प्रहार हो। यो प्रदेशलाई अस्थिरतातर्फ धकेल्ने खेल हो,’ शाहले भने।

एमालेले समर्थन फिर्ता लिएपछि अल्पमतमा परेको सरकारले प्रदेशसभाबाट बजेट पारित गराउन नसक्ने अवस्था बनेपछि शाहले राजीनामाको घोषणा गरेका हुन्।

प्रकाशित मिति: बिहीबार, साउन २८, २०८३

प्रतिक्रिया दिनुहोस्