नापनक्सा भएको ३८ वर्षपछि डडेल्धुराका सुकुम्बासीले पाए जग्गाको स्वामित्व

समाज

गृहपृष्ठ
समाज
नापनक्सा भएको ३८ वर्षपछि डडेल्धुराका सुकुम्बासीले पाए जग्गाको स्वामित्व

नापनक्सा भएको ३८ वर्षपछि डडेल्धुराका सुकुम्बासीले पाए जग्गाको स्वामित्व

शनिबार, साउन २३, २०८३ चेतना खबर

डडेल्धुरा - लामो समयदेखि आफ्नो जग्गाको स्वामित्व पाउने पर्खाइमा रहेका डडेल्धुरा परशुरामका स्थानीयले करिब ३८ वर्षपछि अन्ततः लालपुर्जा प्राप्त गरेका छन्। राष्ट्रिय भूमि आयोग (हालको समिति) ले नियमानुसार राजस्व संकलन गरी विगतमा सुरु भएर अधुरै रहेका प्रक्रिया पूरा गर्दै ती परिवारलाई जग्गाधनी दर्ता प्रमाणपुर्जा वितरण गरेको हो।

यसअघि साविक जोगबुढा गाविस वडा नं. १ (हाल परशुराम नगरपालिका–१२) का खजुरानी र तुलाभाडी गाउँका स्थानीयको जग्गा २०४५ सालमा सुकुम्बासी समस्या समाधान आयोगले नापनक्सा गरेको थियो। तर, त्यसपछिका आवश्यक प्रक्रिया अघि नबढ्दा उनीहरूले लामो समयसम्म कानुनी स्वामित्व पाउन सकेका थिएनन्।

त्यसपछि २०५५ साल पुस २६ गते सुकुम्बासी समस्या समाधान आयोगले पुनः प्रक्रिया अघि बढाए पनि पुर्जा भने वितरण हुन सकेको थिएन। विगतका आयोगहरूले सुरु गरेका काम अलपत्र पर्दा स्थानीयहरू लामो समयदेखि पुर्जाको आशमा बसेका थिए।

अन्ततः हालको समितिको कार्यविधि तथा प्रचलित नियमअनुसार विगतका तिनै अधुरा–अपुरा कामलाई निरन्तरता दिइएपछि परशुराम नगरपालिका–१२ का १२ परिवारको हातमा जग्गाधनी दर्ता प्रमाणपुर्जा परेको छ।

प्रकाशित मिति: शनिबार, साउन २३, २०८३

प्रतिक्रिया दिनुहोस्