डडेल्धुरा आन्तरिक राजस्व कार्यालयद्वारा १ अर्ब २९ करोड सङ्कलन, गत वर्षभन्दा ३४ करोड बढी

मुख्य समाचार

गृहपृष्ठ
मुख्य समाचार
डडेल्धुरा आन्तरिक राजस्व कार्यालयद्वारा १ अर्ब २९ करोड सङ्कलन, गत वर्षभन्दा ३४ करोड बढी

डडेल्धुरा आन्तरिक राजस्व कार्यालयद्वारा १ अर्ब २९ करोड सङ्कलन, गत वर्षभन्दा ३४ करोड बढी

शुक्रबार, साउन २२, २०८३ चेतना खबर

डडेलधुरा: करदाताको पारदर्शिता र कर तिर्ने अभ्यासमा सुधार आएसँगै आन्तरिक राजस्व कार्यालय डडेलधुराले गत आर्थिक वर्षमा उल्लेख्य राजस्व सङ्कलन गरेको छ। सुदूरपश्चिम प्रदेशका सात पहाडी जिल्ला कार्यक्षेत्र रहेको यस कार्यालयले आर्थिक वर्ष २०८२/८३ मा कुल १ अर्ब २९ करोड ५३ लाख रुपैयाँ राजस्व सङ्कलन गर्न सफल भएको छ।

आन्तरिक राजस्व कार्यालय डडेलधुराका प्रमुख गगन बहादुर शाहीका अनुसार सङ्कलित राजस्वमध्ये सबैभन्दा ठूलो हिस्सा आयकरको रहेको छ। कार्यालयले आयकरतर्फ ८६ करोड ३७ लाख ७९ हजार रुपैयाँ सङ्कलन गरेको छ। त्यस्तै, मूल्य अभिवृद्धि कर (VAT) बाट ३८ करोड ९७ लाख २९ हजार रुपैयाँ र अन्तःशुल्कबाट ४ करोड १८ लाख २७ हजार रुपैयाँ राजस्व दाखिला भएको छ।

कार्यालयको तथ्याङ्क अनुसार अघिल्लो आर्थिक वर्ष २०८१/८२ को तुलनामा गत आर्थिक वर्ष २०८२/८३ मा राजस्व सङ्कलनमा ३४ करोड रुपैयाँले वृद्धि भएको छ।

नागरिक तथा व्यवसायीहरूको आयस्रोत क्रमशः पारदर्शी बन्दै जानु र स्वघोषणा गरी कर तिर्ने बानीमा सुधार आउनु नै राजस्व सङ्कलन बढ्नुको प्रमुख कारण रहेको कार्यालयले जनाएको छ। पहाडी क्षेत्रमा कर सम्बन्धी सचेतना र कानुनी दायरा विस्तार हुँदै जाँदा आगामी दिनमा राजस्व वृद्धिमा अझ सहयोग पुग्ने विश्वास लिइएको छ।

प्रकाशित मिति: शुक्रबार, साउन २२, २०८३

प्रतिक्रिया दिनुहोस्