डोटीमा छुटपूर्जी बिना अबैध काठ ढुवानी गरिरहेका छ ट्रक प्रहरी नियन्त्रणमा

अपराध

गृहपृष्ठ
अपराध
डोटीमा छुटपूर्जी बिना अबैध काठ ढुवानी गरिरहेका छ ट्रक प्रहरी नियन्त्रणमा

डोटीमा छुटपूर्जी बिना अबैध काठ ढुवानी गरिरहेका छ ट्रक प्रहरी नियन्त्रणमा

शुक्रबार, असार ८, २०८० चेतना खबर

डोटीको बडिकेदार गाउँपालिका वडा नम्बर २ अन्तरगत रहेका सामुदायिक वनबाट सालका गोलिया लोड गरि कैलाली तर्फ गईरहेक ६ वटा ट्रकहरु प्रहरीले नियन्त्रणमा लिएको छ ।

बडिकेदार गाउँ पालिका २ अन्तरगत रहेको हरियाली सामुदायिक वन र जनमुखी सामुदायिक वनबाट छुट पूर्जी नभएका अबैध काठ लोड भई ५ वटा ट्रक कैलाली तर्फ गईरहेको सूचनाको आधारमा ईलाका प्रहरी कार्यालय विपिनगरबाट खटि गएको प्रहरी टोलीले बुधबार कैलाली चुरे गाउँ पालिकाको चोट्टेबाट नियन्त्रणमा लिएको हो ।

ईलाका प्रहरी कार्यालय विपि नगरका अनुसार अबैध काठ बोकी कैलाली गईरहेको अवस्थामा ना ५ ख ८००७, ना ४ ख ८३१९, लु २ ख ५१०३, सुपप्र ०१००१ ख २९९६, ना ७ ख २६१५ र से १ ख १५७४ नम्बरका ट्रक नियन्त्रणमा लिएको जनाएको छ।

नियन्त्रणमा लिईएका ट्रकहरुले विना छुटपूर्जी डोटी बडिकेदार गापा २ स्थित हरियाली सामुदायिक बनबाट ६७१.९२ क्यु फिट र जनमुखी सामुदायिक बनमा २२४८.३४ क्यु फिट सालको गोलिया काठ लोड गरि कैलाली तर्फ गईरहेको प्रहरीले जनाएको छ । नियन्त्रणमा लिएका ट्रकहरुलाई आवश्यक कारवाहीको लागि लानाकेदारेश्वर सव डिभिजन बन कार्यालय बिपिनगर डोटीमा बुझाईएको छ ।

प्रकाशित मिति: शुक्रबार, असार ८, २०८०

प्रतिक्रिया दिनुहोस्